„დინამო არენაზე“ თბილისის „დინამომ“ ფოთის „კოლხეთი“ მიიღო და მინიმალური ანგარიშით 1:0 იმარჯვა. მატჩს საქართველოს ეროვნული ნაკრების მთავარი მწვრთნელი ვლადიმირ ვაისი და სფფ-ის ვიცე-პრეზიდენტი ალექსანდრე იაშვილი ესწრებოდნენ. დინამოელები მთელი მატჩის განმავლობაში ფლობდნენ ტერიტორიულ უპირატესობას, მაგრამ უშანსოდ არც სტუმრები ყოფილან. ფოთელებს ყველაზე რეალური მომენტები მატჩის მიწურულს შეექმნათ, მაგრამ დინამოელთა მეკარემ - სერგი ლიტოვჩენკომ ჯერ გურამ ლუკავას აუღო შემდეგ კი - ვარლამ კილასონიას. რაც შეეხება შეხვედრის ერთადერთ გოლს, ის 26-ე წუთზე გავიდა. ოთარ კიტეიშვილის გამოზომილი გადაცემის შემდეგ ბაჩანა არაბულმა თავით შეაგდო.
მსაჯები
- არბიტრი - გ. ვადაჭკორია
- პირველი ასისტენტი - გ. ელიკაშვილი
- მეორე ასისტენტი - მ. კუპატაძე
- მეოთხე მსაჯი - შ. ქუხილავა
- პირველი დამ. ასისტენტი - გ. კიკაჩეიშვილი
- მეორე დამ. ასისტენტი - ი. კვირიკაშვილი
დისკვალიფიკაცია
- ვლადიმირ კორობკა (კოლხეთი)
- ომარ გოგონაია (კოლხეთი)
- დავით ბოლქვაძე (კოლხეთი)
