მოლოდინისამებრ, დაძაბული გამოდგა თბილისის „საბურთალოს“ და ქუთაისის „ტორპედოს“ დაპირისპირება, რომელსაც სფფ-ის ხელმძღვანელები და ეროვნული ნაკრების მთავარი მწვრთნელი დაესწრნენ. ვლადიმირ ვაისი ეროვნული ლიგის პირველი ტურის სამ მატჩს დაესწრო. "საბურთალოსა" და "ტორპედოს" შეხვედრა ორმხრივი შეტევებით წარიმართა: რეალური მომენტები ორივე გუნდის კართან შეიქმნა. ქუთაისელთა მხრიდან ყველაზე რეალური მომენტი ბექა ტუღუშს შეექმნა. შემტევმა ბურთი საჯარიმოში მიიღო და მეკარესთან პრაქტიკულად პირისპირ დარჩა, მაგრამ ერთი შეხებით დარტყმა გადაწყვიტა და კარს ააცილა. საბურთალოელთა მხრიდან კი გოლთან ყველაზე ახლოს ვაგნერ გონსალვესი იყო. ფრანგმა ლეგიონერმა საჯარიმოს მისადგომებიდან დაარტყა, მაგრამ ქუთაისელთა კარი გოლისგან ძელმა იხსნა. მასპინძლებმა გატანა მაინც მოახერხეს, მსაჯის მიერ კომპენსირებულ დროში როინ კვასხვაძის კარი შეცვლაზე შემოსულმა გიორგი კოხრეიძემ აიღო.
მსაჯები
- არბიტრი - ლ. სილაგავა
- პირველი ასისტენტი - ზ. მენთეშაშვილი
- მეორე ასისტენტი - ა. აფციაური
- მეოთხე მსაჯი - დ. ხარიტონაშვილი
დისკვალიფიკაცია
- დავით ხურცილავა (ტორპედო)
- შალვა ფურცხვანიძე (ტორპედო)
