კრისტალბეთ ეროვნულ ლიგაში მე-19 ტურის ბოლო მატჩი გაიმართა. გაგრა-სამგურალი 0:0 დამთავრდა. 8 აგვისტომდე შესვენებაა... მანამდე ოთხი ქართული კლუბი ევროტურნირებზე ითამაშებს.
დაძაბული თამაში იყო. საკმაოდ ხისტიც. მომენტებიც შექმნა, თუმცა საუკეთესო შანსი გაგრას ჰქონდა: მე-13 წუთზე ანდრი ანდრეიჩუკი წააქციეს და პენალტი დაინიშნა. მათე ცინცაძემ დაარტყა და ლუკა კუტალაძემ მოიგერია ბურთი.
გაგრამ ზედიზედ მეხუთე წაუგებელი მატჩი ჩაატარა. ამ ხუთიდან გუნდმა სამი მოიგო, თუმცა გაგრა ჯერ მეცხრე ადგილზეა.
სამგურალი კი მეშვიდე საფეხურზეა.
