დასრულდა კრისტალბეთ ეროვნული ლიგის მეექვსე ტური. ორი მატჩი იყო დარჩენილი და ორივე დინამომ მოიგო, შესაბამისად, ისევ თანაბრად არიან ცხრილში პირველ-მეორე ადგილებზე.
დინამო თბილისმა ბოლო წამებზე გატანილი გოლით მოუგო ქობულეთის შუქურას. თავიდან შუქურა დაწინაურდა, კერძოდ, გია აფხაზავამ ახლო მანძილიდან გაიტანა - 1:0. სწრაფი გოლი ვნახეთ.
დინამოელებმა პირველ ტაიმში გაათანაბრეს, დავით კობოურმა თავით კარგად ითამაშა და 1:1.
ორივე გუნდს ჰქონდა მომენტები, საბოლოოდ კი მოქმედმა ჩემპიონმა 95-ე წუთზე გაიტანა. გაბრიელ სიგუას გამჭოლ პასს ზორან მარუშიჩი დაუხვდა და ახლოდან გადაგზავნა ბურთი კარში - 1:2.
საინტერესოა, რომ გასულ შუქურას მონაწილებით თითქმის სულ ეს ანგარიში ფიქსირდება. მხოლოდ ერთხელ იყო გამონაკლისი, როცა დილასთან 0:2 წააგეს. ქობულეთელები ბოლოსწინა ადგილზე არიან.
ბათუმელებმა ორი ლამაზი გოლით სძლიეს წყალტუბოს სამგურალს. 24 წუთში უკვე 2:0 იყო.
ჯერ პაატა ღუდუშაურმა გაიტანა შორიდან დარტყმით, მერე კი სანდრო ალთუნაშვილმა.
დინამო ბათუმს 16 ქულა აქვს და ბურთების შეფარდებით ჩამორჩება დინამო თბილისს. სამგურალი კი 7 ქულით მეექვსე ადგილზეა. ბოლო სამ ტურში წყალტუბოელებს გოლი არ გაუტანიათ, თუმცა ისიცაა, რომ პირველი სამეულის წარმომადგენლებს შეხვდნენ.
