22-ე ტური: დინამო თბილისმა დილას მოუგო, სიონი-სამგურალი ფრედ დასრულდა

News

22-ე ტური: დინამო თბილისმა დილას მოუგო, სიონი-სამგურალი ფრედ დასრულდა

გაიმართა კრისტალბეთ ეროვნული ლიგის 22-ე ტურის ორი მატჩი. დინამო თბილისმა გორის დილას 3:0 მოუგო და მეორე ადგილი გაიმყარა. ბოლნისში კი სიონმა წყალტუბოს სამგურალს უმასპინძლა: ამ შეხვედრაში გოლი არ გასულა.

დინამო თბილისი 3:0 დილა 

გიორგი ჭიაბრიშვილის გაწვრთნილმა დინამოელებმა 3:0 სძლიეს გორის დილას. პირველ ტაიმში ერთი გოლი გავიდა: დავით სხირტლაძის პასს მოჰყვა გიორგი მოისწრაფიშვილის კარგი შეასრულება.

მეორე ნახევარში ჯერ თავად სხირტლაძემ გაზარდა სხვაობა და 2:0 გახადა ანგარიში, ბოლოს კი გიორგი გაბედავამ გაიტანა.

კრისტალბეთ ეროვნულ ლიგაში დებიუტი ჰქონდა ორ ჭაბუკ დინამოელს: გაბრიელ სიგუასა და ლუკა პარკაძეს, რომელმაც მიუნხენის ბაიერნთან გააფოქმა კონტრაქტი. ისინი შეცვლაზე შევიდნენ. გაბედავამ სწორედ სიგუას პასით გაიტანა...

დინამო თბილისი 6 ქულით ჩამორჩება ლიდერ დინამო ბათუმს, რომელსაც ამ ტურში ჯერ არ უთამაშია. დილა კი მეოთხე პოზიციაზეა: გუნდს ბოლო 4 ტურში მხოლოდ 1 ქულა აქვს.

სიონი 0:0 სამგურალი 

სიონმა ბოლნისში 0:0 ითამაშა სამგურალთან. ბოლნისელები ბოლოსწინა, მეცხრე ადგილზე დარჩნენ, ხოლო წყალტუბოს სამგურალი მესამე საფეხურზეა და 6 ქულით ჩამორჩება მეორეადგილოსან დინამო თბილისს.

დღევანდელი მდგომარეობით, წყალტუბოელებს ევროპაზე გამსვლელი ადგილი უკავიათ. კლუბი არასოდეს ყოფილა ევროტურნირებზე, თუმცა რამდენჯერმე ახლოს იყო: სამჯერ აქვს წაგებული თასის ფინალი.