საქართველოს ფეხბურთის ფედერაციასა და სპორტულ რადიო Jako FM-ს შორის, თანამშრომლობის მემორანდუმს მოეწერა ხელი. შეთანხმების შესაბამისად, პირველი ქართული სპორტული რადიო ეროვნული ლიგის მედია-პარტნიორი კიდევ ერთი წლის განმავლობაში იქნება. ხელმოწერის საზეიმო ღონისძიებას სასტუმრო ბილტმორმა უმასპინძლა.

მემორანდუმს ხელი საქართველოს ფეხბურთის ფედერაციის პრეზიდენტმა, ლევან კობიაშვილმა და სპორტული რადიო Jako FM-ის გენერალურმა დირექტორმა, მიხეილ ტარახჩევმა მოაწერეს.

ქართული ფეხბურთის მმართველ ორგანოსა და სპორტულ რადიოს შორის მიღწეული შეთანხმების თანახმად, Jako FM, როგორც რადიოს, ისე ვებ-გვერდის (www.4u.ge) საშუალებით აქტიურად გააშუქებს ეროვნული ლიგის 2019 წლის სეზონს.