კრისტალბეთ ეროვნული ლიგის მეხუთე ტური იმერული დერბით დასრულდა. წყალტუბოს სამგურალმა და ქუთაისის ტორპედომ 0:0 ითამაშეს.
ზესტაფონში გამართული მატჩი უგოლოდ დასრულდა. ბევრი საგოლე მომენტიც არ შექმნილა და მთლიანობაში, ფრე ლოგიკური შედეგი იყო.
მატჩში მოქმედებდა ვიდეორეფერის სისტემა (VAR).
ტორპედო მესამე ადგილზეა, ხოლო სამგურალი - მეოთხეზე. ქუთაისის გუნდს განვლილ 5 ტურში მხოლოდ ერთი გოლი აქვს გაშვებული. საინტერესოა, რომ ეს ტორპედოსთვის მესამე 0:0-ია სეზონში.
