16 სექტმებერს დეველოპერულმა კომპანია არქიმ ს.კ. სამტრედიასთან ხელშეკრულება, გააფორმა და იმერული კლუბის გენერალური სპონსორი გახდა. ხელის მოწერის ცერემონია სამტრედიის სტადიონზე გულშემატკივრების თანდასწრებით გაიმართა.

„ჩვენი, არქის, მთავარი მიზანი ჯანსაღი ცხოვრების პოპულარიზებასთან ერთად ქართული ფეხბურთის მხარდაჭერა და მისი განვითარების ხელშეწყობაა. ჩვენ აქამდეც აქტიურად ვმონაწილეობდით სპორტულ აქტივობებში. ამიერიდან კი ჩვენი და „სამტრედიის“ თანამშრომლობა ახალ ეტაპზე გადადის და ჩვენს გულშემატკივარს უამრავ აქტივობას ვპირდებით“, - აცხადებს არქის გენერალური დირექტორი, შიო ხეცურიანი.

„მოხარულები ვართ სასპონსორო ხელშეკრულების გაფორმებით. ვთვლით, რომ მსგავსი პრეცედენტები ჩვენი გუნდის პერსპექტივასაც ისევე თანაბრად წაადგება, როგორც - ქართული სპორტის განვითარებას. არქის მხარდაჭერა ჩვენთვის ძალიან ბევრს ნიშნავს. ვიმედოვნებთ, რომ ამ კოლაბორაციით „სამტრედია“ საქართველოს ჩემპიონობასაც მოიპოვებს“, - ამბობენ სამტრედიის საფეხბურთო კლუბში.