4-5 მაისს, ეროვნულ ლიგაში მეათე ტურის მატჩები გაიმართება, რითაც გათამაშების მეორე წრე დაიწყება. 

4 მაისს მეათე ტურის ერთი შეხვედრა ჩატარდება. ქობულეთის „შუქურა“ საკუთარ მოედანზე „სამტრედიას“ უმასპინძლებს. ცუდად დაწყებული სეზონის შემდეგ ბოლო ტურებში სამტრედიელებმა თამაში გამოასწორეს და მიყოლებით სამი ტურია არ წაუგიათ. ამ სამი შეხვედრიდან მათ ორი მოიგეს, ერთი კი, ფრედ დაასრულეს. „შუქურას“ ეროვნულ ლიგაში ჯერაც არ მოუგია და დაგროვილი სამი ქულით კვლავ ბოლო, მეათე ადგილზეა. გუნდში ახლახანს გარკვეული ცვლილებები მოხდა და გუნდში რამდენიმე ახალი ფეხბურთელი გამოჩნდა. პირველ წრეში აღნიშნული კლუბების დაპირისპირება საკმაოდ საინტერესო გამოდგა და ფრედ 1:1 დასრულდა.

გათამაშების ერთპიროვნული ლიდერი თბილისის „დინამო“ სტუმრად ფოთის „კოლხეთს“ დაუპირისპირდება. დინამოელები შესანიშნავ ფორმაშია არიან და ზედიზედ 6 ტურია იგებენ. ფოთელები კი, პირიქით არასტაბილურად ასპარეზობენ და უკვე 5 შეხვედრაა არ მოუგიათ. ბოლოს ფოთელებმა დედაქალაქური გუნდის დამარცხება 2011-12 წლების სეზონში მოახერხეს. მას შემდეგ გამართული რვა შეხვედრიდან კი, სამი ფრედ დასრულდა და ხუთი დინამოელებმა მოიგეს. აღსანიშნავია, რომ პირველი წრის შეხვედრაში „კოლხეთმა“ „დინამოს“ დიდი წინააღმდეგობა გაუწია და მინამალური ანგარიშით 0:1 დამარცხდა. 

გორის „დილა“ საკუთარ „თენგიზ ბურჯანაძეზე“ საჩხერის „ჩიხურას“ მიიღებს. გუნდებს შორის პირველ წრეში გამართული შეხვედრა არც თუ ისე საინტერესო გამოდგა და გატანილი გოლების გარეშე 0:0 დასრულდა. ეხლა კი, ცხრილში განსხვავებული სიტუციაა და ორივე გუნდს მოგება ძალიან სჭირდება. გორელები რვა ქულით მერვე ადგილზეა არიან, საჩხერელებს კი, 13 ქულა აქვთ და მეექვსეზე არიან. 

ათწლიანი პაუზის შემდეგ ბათუმის „დინამო“ მშობლიურ ქალაქში ბრუნდება. ბათუმელები თბილისის „ლოკომოტივს“ „რაგბი არენაზე“ უმასპინძლებენ. დინამოელთათვის მშობლიურ ქალაქში დაბრუნება რა თქმა უნდა, დამატებითი მოტივიციაა და ეს თამაშსაც დიდ ინტერესს სძენს. რაც შეეხება ლოკოს, თბილისური კლუბი კარგ სეზონს ატარებს და 18 ქულით მეორე ადგილეზეა. განსაკუთრებული აღნიშვნის ღირსია ლოკომოტიველთა შემტევი დუეტი. ირაკლი სიხარულიძესა და მამია გავაშელიშვილს მიმდინარე ჩემპიონატში უკვე 18 გოლი აქვთ გატანილი. აჭარული და თბილისური გუნდების დაპირისპირება ყოველთვის საინტერესო გამოდის და ასე იყო პირველ წრეშიც. შეხვედრა, რომელსაც „დინამო“ იგებდა საბოლოოდ „ლოკომოტივის“ გამარჯვებით 2:1 დასრულდა.

ტურის ბოლო და ცენტრალურ დაპირისპირებას ქუთაისი უმასპინძლებს. რამაზ შენგელიას სახელობის სტადიონზე ადგილობრივი „ტორპედო“ თბილისის „საბურთალოს“ დაუხვდება. მიმდინარე სეზონში ორივე გუნდი კარგად ასპარეზობს და შესაბამისად სატურნირო ცხრილში გვერდიგვერდ არიან. ისინი 15-15 ქულით მესამე მეოთხე ადგილებს იყოფენ. პირველ წრეში კლუბების დაპირისპირება საკმაოდ დრამატული გამოდგა. შეხვედრა ორმხრივი შეტევებით წარიმართა და საბოლოოდ საბურთალოელთა გამარჯვებით 1:0 დასრულდა. გამარჯვების გოლი, მსაჯის მიერ დამატებულ დროში შეცვლაზე შემოსულმა, გიორგი კოხრეიძემ გაიტანა. აღნიშნული ფაქტორებიდან გამომდინარე ცენტრალური დაპისიპირება საინტერესო უნდა გამოდგეს და მაყურებლებმა საინტერესო სანახაობა უნდა იხილონ.