გაგრა-სპაერი ფრედ დასრულდა

ორშაბათს კრისტალბეთ ეროვნულ ლიგაში 21-ე ტურის ბოლო მატჩი გაიმართა. გაგრა-სპაერი 1:1 დასრულდა. 

გაგრა 1:1 სპაერი 

ცხრილში ერთმანეთის მეზობლად მყოფი გუნდების დაპირისპირება დაძაბული გამოდგა. გაგრა ისევ მერვე ადგილზეა, სპაერი კი მეცხრეა. 

სხვათა შორის, გაგრას 7-მატჩიანი წაუგებელი სერია აქვს, აქედან ზედიზედ 4 შეხვედრა ფრედ დაასრულა. აი, სპაერს კი ბოლო 6 შეხვედრაში არ გაუმარჯვია.

უგოლო პირველი ტაიმი ვნახეთ, მეორე ნახევრის დასაწყისში კი სპაერს კაპიტანი ნიკოლოზ კენჭაძე გაუძევეს მეორე გაფრთხილების გამო. გაგრა დავით მუჯირის ლამაზი თავურით დაწინაურდა. ეს მოხდა 78-ე წუთზე.

თუმცა რამდენიმე წუთში სპაერის ნახევარმცველმა ნიკა ჩაგუნავამ ცხრიანში დაარტყა და 1:1. საინტერესოა, რომ მუჯირიც და ჩაგუნავაც შეცვლაზე შევიდნენ...