იბერია 1999-მა ესტონეთში ფლორას 3:2 მოუგო

თბილისის იბერია 1999-მა ჩემპიონთა ლიგის პირველი საკვალიფიკაციო ეტაპის პირველი მატჩი მოიგო. ანდრი დემჩენკოს გაწვრთნილმა გუნდმა სტუმრად 3:2 სძლია ესტონეთის ჩემპიონს, ტალინის ფლორას.

ვახო ბედოშვილის გამოზომილ პასს მოჰყვა ზვიად ნაჭყებიას ზუსტი დარტყმა და იბერიელები ასე დაწინაურდნენ. ეს მე-18 წუთზე მოხდა, ხოლო მალევე, გიორგი ჯინჯოლავამ პენალტი შეასრულა და თბილისელები ჰანდიკაპით გავიდნენ წინ.

ფლორამ მაინც მოახერხა ანგარიშის გათანაბრება, თუმცა 75-ე წუთზე ქართველები ისევ წინ გავიდნენ. გიორგი კუციამ კუთხური ჩააწოდა და ბაქარ ქარდავამ თავურით ახლო კუთხეში დარტყმით გაიტანა - 2:3.

საქართველოს ჩემპიონმა სტუმრად გაიმარჯვა და შემდეგ ეტაპზე გასვლის კარგი შანსიც აქვს.

ფლორა 2:3 იბერია 1999

იბერია: მაკარიძე, ზოური (ქობულაძე 86), სელიმოვიჩი, ამისულაშვილი, ჯინჯოლავა, ქარდავა, დადიანი, სიხარულაშვილი (ჩიხრაძე 80), ბართიშვილი (კულიევი 80), ბედოშვილი (კუცია 71), ნაჭყებია

გოლები: 0:1 ნაჭყებია (18), 0:2 ჯინჯოლავა (21 პენ), 1:2 კრეიდა (28), 2:2 ალამა (73), 2:3 ქარდავა (75)

გაძევება: კოლო (60)

საპასუხო მატჩი 14 ივლისს თბილისის მიხეილ მესხზე გაიმართება. შეხვედრა 20:00 საათზე დაიწყება.