სამგურალი-სპაერი უგოლოდ დასრულდა

კრისტალბეთ ეროვნულ ლიგაში მე-13 ტურის ბოლო მატჩი გაიმართა. სამგურალისა და სპაერის დაპირისპირება 0:0 დამთავრდა. 

სამგურალი 0:0 სპაერი 

წყალტუბოში გამართული მატჩი უგოლოდ დასრულდა. სახიფათო მომენტები საკმაოდ ვნახეთ. ხშირად ერთვებოდნენ თამაშში მეკარეები, ლუკა კუტალაძე და ბუხუტი ფუტკარაძე. 

გუნდები ცხრილში ერთმანეთის მეზობლებად დარჩნენ. სპაერი მეშვიდეზეა. სამგურალი კი - მერვეზე. მათ შორის ერთი ქულაა სხვაობა. 

ამ გუნდების პირველი დაპირისპირება 5-გოლიანი გამოდგა: მაშინ სპაერმა 4:1 იმარჯვა. 

კიდევ, სტატისტიკაზე: მიმდინარე კრისტალბეთ ეროვნულ ლიგაში 65 მატჩია ჩატარებული და გასულია 151 გოლი. საშუალოდ, 2,3 გოლი ერთ შეხვედრაში.

დაძაბულობა არის: 65-დან 22 თამაში ფრედ დასრულდა, 27 შეხვედრაში კი მინიმალური სხვაობა ვნახეთ. მხოლოდ 16 მატჩში იყო ორი, ან მეტბურთიანი სხვაობა.