ა	კლუბი	თ	±	ქ
1.	იბერია 1999	32	26	67
2.	ტორპედო	32	18	64
3.	დილა	32	25	59
4.	დინამო ბთ	32	2	49
5.	დინამო თბ	32	-5	39
6.	სამგურალი	32	0	36
7.	გაგრა	32	-17	32
8.	კოლხეთი 1913	32	-16	31
9.	თელავი	32	-11	30
10.	სამტრედია	32	-22	27

ა	კლუბი	თ	±	ქ
1.	გარეჯი	32	28	59
2.	რუსთავი	32	23	59
3.	სიონი	32	22	54
4.	სპაერი	32	1	48
5.	დინამო-2 თბ	32	-10	45
6.	არაგვი	32	-1	42
7.	ლოკომოტივი	32	-2	41
8.	შტურმი	32	-9	38
9.	ვიტ ჯორჯია	32	-6	38
10.	კოლხეთი ხობი	32	-46	20

ახალი ამბები

სტუმრების დღე: იბერია 1999-მა და დინამოებმა გაიმარჯვეს

6 ოქტომბერი, 2024 - 01:36

კრისტალბეთ ეროვნულ ლიგაში ბოლო, მეოთხე წრე დაიწყო. დღეს 28-ე ტურის სამი მატჩი გაიმართა და სამივეში სტუმრებმა მოიგეს...

კოლხეთი 1913 0:1 დინამო ბთ

მოქმედმა ჩემპიონმა მოიგო. ერთადერთი გოლი მარიო ბალბურდიამ გაიტანა. ანგოლელმა მე-16 წუთზე საჯარიმოს მისადგომებიდან დაარტყა და მეკარე იაროსლავ კოტლიაროვმა რეაგირება ვერ მოახერხა.

სხვათა შორის, ბალბურდიამ ბოლო ოთხ შეხვედრაში სამჯერ გაიტანა.

ბათუმელები მეოთხე ადგილზე რჩებიან, კოლხეთი 1913 კი მეშვიდეზეა. ფოთელებს 7 მატჩია არ გაუმარჯვიათ.

თელავი 1:2 იბერია 1999

იბერია 1999-მა მოიგო, მეორე ადგილზეა და ორი ქულით ჩამორჩება ლიდერ ტორპედოს, რომელსაც ამ ტურში ჯერ სათამაშო აქვს.

თბილისელებმა თელავში გაიმარჯვეს. მე-15 წუთზე ოთარ მამაგეიშვილმა მშვენივრად ითამაშა, კედელი გაითამაშა შეიკნე სილასთან და შორეულ კუთხეში ზუსტად დაარტყა - 0:1.

მეორე ტაიმში სილამაც გაიტანა, თანაც, მაკრატელათი! ეს სილას მე-10 გოლია მიმდინარე კრისტალბეთ ეროვნულ ლიგაში.

რამდენიმე წუთში იბერიელებს მცველი გიორგი ჯგერენაია გაუძევეს უხეშობის გამო და სტუმრებმა ბოლო ნახევარი საათი რიცხობრივ უმცირესობაში ჩაატარეს.

თელავმა მალევე შეამცირა სხვაობა, კერძოდ, დეიან გეორგიევიჩმა გაიტანა თავურით - 1:2. მეტი კი თელაველებმა ვერ მოახერხეს და დამარცხდნენ. თელავი მეცხრე ადგილზეა.

სამგურალი 1:2 დინამო თბ

დინამო თბილისმა წყალტუბოში მოუგო სამგურალს. ეს დინამოელთა ზედიზედ მეექვსე წაუგებელი შეხვედრაა, აი სამგურალი კი ზედიზედ მესამედ დამარცხდა.

27-ე წუთზე ნიკა ნინუას პასს მოჰყვა დომინიკ რაიტერის ახლოდან გატანილი და თბილისელები დაწინაურდნენ. ამას მოჰყვა ტაიმის ბოლოს დემურ ჩიხლაძის პენალტი და ანგარიში გათანაბრდა - 1:1.

პენალტამდე ერთი წუთით ადრე ჩიხლაძემ შორიდან ხარიხას მოარტყა ბურთი, შეტევა გაგრძელდა და ჟან კარლოსი წააქციეს, რასაც მოჰყვა კიდეც თერთმეტმეტრიანი. არბიტრმა გიორგი ავაზაშვილმა დანიშნა პენალტი, მერე VAR-ზე მაინც გადაამოწმა და გადაწყვეტილება არ შეცვალა.

გადამწყვეტი გოლი კი 86-ე წუთზე გავიდა, დინამოელმა ოსკარ სანტისმა მარჯვნიდან დაბალი პასი გააკეთა და დასწრებაზე ვასილიოს გორდეზიანმა ახლოდან გაიტანა - 1:2.

დინამო მეხუთე ადგილზეა, სამგურალი კი ერთი საფეხურით ქვემოთ.

კალენდარი

პარასკევი, 22 ნოემბერი

შაბათი, 23 ნოემბერი

ოთხშაბათი, 27 ნოემბერი

სტუმრების დღე: იბერია 1999-მა და დინამოებმა გაიმარჯვეს