დილამ სტუმრად სამგურალს მოუგო

კრისტალბეთ ეროვნულ ლიგაში მე-20 ტურის ერთი მატჩი გაიმართა და ლიდერმა გორის დილამ სტუმრად 1:0 სძლია წყალტუბოს სამგურალს. 

სამგურალი 0:1 დილა

მატჩის ერთადერთი გოლი მეორე ტაიმის შუაში გაიტანა ნიდერლანდელმა ტაირელ ვაუტერმა, რომელმაც ალექსანდრე ანდრონიკაშვილის მშვენიერი პასი გამოიყენა და საჯარიმოში შესულმა ზუსრად დაარტყა. საინტერესოა, რომ ვაუტერი მხოლოდ სამი წუთის შესული იყო მინდორზე. 

ეს ნიდერლანდელის მეათე გოლია მიმდინარე კრისტალბეტ ეროვნულ ლიგაში და მხოლოდ ტორპედოს ნორვეგიელ ფორვარდ ბიორნ იონსენს ჩამორჩება. იონსენს 11 გოლი აქვს. 

და ერთი საინტერესოც: სამგურალი-დილა პირველ წრეშიც 0:1 დასრულდა და მაშინაც ვაუტერმა გაიტანა.

დილა 5-ქულიანი ჰანდიკაპით ლიდერობს, თუმცა უახლოეს მდევარ ტორპედოს ერთი მატჩით ნაკლები აქვს ჩატარებული. სამგურალს რაც შეეხება, გუნდი მეშვიდე ადგილზეა.