კალენდარი

შაბათი, 3 აგვისტო

შაბათი, 10 აგვისტო

ახალი ამბები

დინამო თბილისმა დილას 3:0 მოუგო

დინამო თბილისმა სტუმრად 3:0 მოუგო გორის დილას და მეორე ადგილზე გადავიდა. ეს კრისტალბეთ ეროვნული ლიგის მე-19 ტურიდან გადადებულ მატჩში მოხდა...

დილა 0:3 დინამო თბ 

ცხრილის ზედა ნაწილში მყოფი გუნდები, კონკურენტები. თამაში საინტერესო გამოდგა და 61-ე წუთამდე ფრე იყო. 

პირველი ბურთი უსმანე კამარამ გაიტანა დინამოელთა კაპიტან დავით სხირტლაძის ლამაზი ქუსლური პასის შემდეგ.

მეორე და მესამე გოლები კი ბოლო წუთებზე გავიდა: ჯერ გიორგი ხარაიშვილმა ორიგინალურად თავზე გადაუგდო ბურთი დილას მეკარე ევგენ კუჩერენკოს, ბოლოს კი სხირტლაძემ ლევან ოსიყმაშვილის პასით საბოლოო ანგარიში დააფიქსირა - 0:3. 

ეს იყო დინამო თბილისის მეოთხე მატჩი ესპანელი ანდრეს კარასკოს ხელმძღვანელობით. ამ პერიოდში გუნდმა ჯამში 10 ქულა აიღო და 16 გოლი გაიტანა, საკუთარ კარში კი მხოლოდ 5 გაუშვა.