კალენდარი

შაბათი, 3 აგვისტო

შაბათი, 10 აგვისტო

ახალი ამბები

დაიწყო... ჩემპიონმა გორში მოიგო, სამტრედიამ თელავს აჯობა

დაიწყო საქართველოს კრისტალბეთ ეროვნული ლიგა. რიგით 35-ე ჩემპიონატი... ორი მატჩი გაიმართა: მთავარ ლიგაში დაბრუნებულმა სამტრედიამ თელავს აჯობა, ჩემპიონმა დინამო თბილისმა კი გორში იმარჯვა.

სამტრედია 1:0 თელავი

სამტრედიამ შინ 1:0 მოუგო თელავს. გოლი ინდივიდუალური გარღვევის შემდეგ გაიტანა ზვიად ნაჭყებიამ. 23 წლის ფლანგელი შემტევი ნაჭყებია ვიტ ჯორჯიადან გადავიდა იმერულ კლუბში.

ეს იყო კრისტალბეთ ეროვნული ლიგის 2023 წლის სეზონის პირველი გოლი.

დილა 1:2 დინამო თბ 

მოქმედმა ჩემპიონმა დინამო თბილისმა გორში სძლია დილას - 2:1. დაძაბული თამაში გამოდგა, სამი გოლით და ორი გაძევებითაც...

35-ე წუთზე გვინეელმა უსმანე კამარამ დააწინაურა დინამო. კამარა შარშანწინ დილაში თამაშობდა... მალევე, გორელებმა გაათანაბრეს. ბარბადოსელმა გეილიმ გაიტანა და ტაიმი 1:1 დასრულდა.

მეორე ტაიმი ახალი დაწყებული იყო, როცა კამარას პასის მერე დავით სხირტლაძემ კვლავ წინ გაიყვანა დინამო - 1:2.

სხირტლაძის გოლიდან ერთ წუთში დინამოელი ჯიმი ტაბიძე გააძევეს მეორე ყვითელი ბარათის გამო. მე-80 წუთზე კი გორელთა მცველ ზურაბ თევზაძეს დაატოვებინეს მინდორი.

მატჩზე ვიდეოგამეორების სისტემა (VAR) მოქმედებდა.