კალენდარი

პარასკევი, 29 მარტი

შაბათი, 30 მარტი

სამშაბათი, 2 აპრილი

ოთხშაბათი, 3 აპრილი

ახალი ამბები

ორი მატჩი, ორი ფრე: დინამოებს შორის სხვაობა ისევ ერთი ქულაა

გაიმართა კრისტაბეთ ეროვნული ლიგის 28-ე ტურის დარჩენილი ორი მატჩი და ორივე ფრედ დასრულდა. შესაბამისად, ჩემპიონობისთვის ბრძოლაში ქულებს შორის სხვაობა არ შეცვლილა... დინამო ბათუმი დინამო თბილისს ერთი ქულით უსწრებს.

ტორპედო 0:0 დინამო თბ

ტრადიციული მეტოქეების დაპირისპირება უგოლოდ დასრულდა. ტორპედოს ბოლო 9 შეხვედრაში 7 მოგება და 2 ფრე აქვს; ხოლო დინამო თბილისს აქამდე ზედიზედ 7 შეხვედრა ჰქონდა მოგებული და ახლა შეწყვიტა...

ისე, სეზონის წინა სამ შეხვედრაში დინამოელებმა მოიგეს: 4:0, 3:0, 5:1.

დინამო თბილისი მეორე ადგილზეა და ისევ ერთი ქულით ჩამორჩება ლიდერ ბათუმელებს, ტორპედო კი მესამეზეა.

სიონი 1:1 დინამო ბთ 

სიონმა ბოლნისში 1:1 ითამაშა ლიდერ დინამო ბათუმთან და მერვე ადგილზე დარჩა.

ბათუმელები 24-ე წუთზე მილან რადინმა დააწინაურა, ხოლო პირველი ტაიმის მიწურულს ზღვისპირელთა ნახევარმცველი ირაკლი ბიძინაშვილი გააძევეს.

სიონმა უპირატესობით ისარგებლა და 55-ე წუთზე გი გნაბუიუმ თავურით გაათანაბრა. ბოლო 15 წუთი გუნდებმა 10-10 კაცით ითამაშეს, რადგან სიონსაც გაუძევეს ფეხბურთელი - თემურ ბექაური. საბოლოოდ, 1:1.

სხვათა შორის, ამ გუნდების წინა ბოლნისური დაპირისპირებაც 1:1 დასრულდა...