კალენდარი

პარასკევი, 7 ოქტომბერი

შაბათი, 8 ოქტომბერი

კვირა, 9 ოქტომბერი

შაბათი, 15 ოქტომბერი

კვირა, 16 ოქტომბერი

ახალი ამბები

განახლდა!.. დინამო თბილისმა შეცვლებით მოიგო, თელავში ფრე დაფიქსირდა

კრისტალბეთ ეროვნული ლიგა ექვსკვირიანი შესვენების მერე განახლდა. 21-ე ტურის ორი მატჩი გაიმართა: ერთი თბილისის დინამო არენაზე, ერთიც თელავში.

თელავი 1:1 სამგურალი 

თელავმა კავკასიონი არენაზე უმასპინძლა წყალტუბოს სამგურალს და 1:1 ითამაშა. პირველი ტაიმის დამატებულ წუთებზე წყალტუბოელები გავიდნენ წინ: ჯეფერსონ ჯერალდომ საჯარიმო შეასრულა, ბურთი ყველას ასცდა და თელაველთა საყრდენმა სტრაჰინია პავიშიჩმა საკუთარ კარში გაიტანა... მეორე ტაიმში კი მასპინძელთა 19 წლის ფორვარდმა გიორგი კვერნაძემ ახლოდან ზუსტად დაარტყა და ანგარიში გაათანაბრა.

თელავს ყველაზე მეტი ფრე აქვს - 8. გუნდი მეექვსე ადგილზეა. აი, სამგურალი კი მესამეზეა.

დინამო თბილისი 3:1 სიონი

დინამო თბილისმა ბოლნისის სიონს 3:1 სძლია. 65-ე წუთამდე ტაბლოზე ნულები ენთო და პირველი გოლი გაიტანა გიორგი მოისწრაფიშვილმა, რომელიც გიორგი ჭიაბრიშვილმა შეცვლაზე შეიყვანა. მალე სიონმა გაათანაბრა მცველ თემურ ბექაურის თავურით.

77-ე წუთი აღმოჩნდა გადამწყვეტი, როცა გიორგი გაბედავამ ძლიერი დარტყმით წინ გაიყვანა დინამო, რასაც მალევე მოჰყვა ლამაზი კომბინაცია, დავით სხირტლაძის კარგი პასი და უსმანე კამარას გოლი - 3:1.

საინტერესოა, რომ მოისწრაფიშვილის მსგავსად, გაბედავა, კამარა და სხირტლაძეც შეცვლაზე შევიდნენ.

ზოგადად, დინამოს ძალიან ბევრი მომენტი ჰქონდა და ოთხჯერ მოარტყა ბურთი ძელს, სიონის მეკარე ლევან ისიანმაც რამდენჯერმე ურთულესი ბურთი მოიგერია.

დინამო თბილისი მეორე ადგილზეა და ჯერჯერობით 6 ქულით ჩამორჩება ლიდერ დინამო ბათუმს. სიონი კი მერვეზეა.