კალენდარი

პარასკევი, 29 მარტი

შაბათი, 30 მარტი

სამშაბათი, 2 აპრილი

ოთხშაბათი, 3 აპრილი

ახალი ამბები

მასპინძლების ტური: ბათუმელებმა და საბურთალოელებმაც მოიგეს

დასრულდა კრისტალბეთ ეროვნული ლიგის მეორე წრე... გაიმართა მე-18 ტურის დარჩენილი ორი მატჩი. ისე მოხდა, რომ ამ ტურში ყველა თამაში მასპინძლებმა მოიგეს.

დინამო ბათუმი 4:0 ტორპედო

მოქმედმა ჩემპიონმა დინამო ბათუმმა დამაჯერებელი ანგარიშით მოუგო ქუთაისის ტორპედოს - 4:0. ვლადიმერ მამუჩაშვილმა დუბლი შეასრულა. მან ჯერ საჯარიმო შეასრულა მშვენივრად, მერე კი პენალტი გამოიყენა. ბრაზილიელმა ჯოვინო ფლამარიონმა ასევე პენალტით მიითვალა გოლი, ბოლოს კი თორნიკე გაფრინდაშვილმა გაიტანა.

ფლამარიონი უფრო წინ წავიდა ბომბარდირთა დავაში. 11 გოლი მოუგროვდა და 3 ბურთით უსწრებს მეორე-მესამეზე მყოფებს - ხვიჩა კვარაცხელიასა და ირაკლი სიხარულიძეს.

დინამო ბათუმი ლიდერია და 6 ქულით უსწრებს მეორეადგილოსან დინამო თბილისს. ტორპედო კი მეშვიდე ადგილზეა.

საბურთალო 1:0 თელავი 

საბურთალომ 1:0 მოუგო თელავს და ხასიათი გამოიკეთა: საბურთალოელებს ზედიზედ 3 მატჩი ჰქონდათ წაგებული.

ერთადერთი გოლი 67-ე წუთზე ხორვატმა ბენედიკ მიოჩიმ გაიტანა, რომელიც მხოლოდ 3 წუთის შესული იყო მინდორზე. ეს მიოჩის პირველი გოლია კრისტალბეთ ეროვნულ ლიგაში.

საბურთალოელები მეხუთე ადგილზე არიან. თელავს 5-მატჩიანი მოუგებელი სერია აქვს და   მეექვსეზეა.