დინამომ თბილისში სამტრედია დაამარცხა, ლოკომ ქუთაისში მოიგო

• დინამო თბ 2:1 სამტრედია

კრისტალბეთ ეროვნული ლიგის ლიდერმა, თბილისის დინამომ სამტრედიას უმასპინძლა და მეტოქე მინიმალური სხვაობით - 2:1 დაამარცხა.

შეხვედრაში ანგარიში გიორგი გაბედავამ გახსნა, რომელმაც თამაზ ცეცხლაძის შეცდომით ისარგებლა და გიორგი კულუას კარი აიღო. ორამდე სხვაობა, მალევე შორეული ეფექტური დარტყმით ბაქარ ქარდავამ გაზარდა.

8 ტურის შემდეგ დინამო თბილისი 19 ქულით პირველ ადგილს იკავებს, ხოლო მეორე პოზიციაზე დინამო ბათუმია, თუმცა ბათუმელებს ერთი მატჩით ნაკლები აქვთ ჩატარებული.

• საბურთალო 2:2 შუქურა

ლევან კორღალიძის საბურთალომ, მიხეილ მესხზე ქობულეთის შუქურას უმასპინძლა და მატჩი ფრედ - 2:2 დასრულდა.

შეხვედრაში ანგარიში, ქობულეთელთა შემტევმა - მიშიკო სარდალიშვილმა გახსნა. მეორე ტაიმში, საგოლე პასის ავტორმა - ზურაბ მუსელიანმა ამჯერად თავად გაიტანა და სხვაობა ორამდე გაზარდა.

74-ე წუთზე, იური ტაბატაძემ ერთი ბურთი გაქვითა და მალევე, ზუსტად 1 წუთში ტაბატაძემ ჩამოწოდებული კუთხურის შემდეგ შუქურას კარი მეორედ აიღო და ანგარიში გაათანაბრა - 2:2.

• ტორპედო 1:3 ლოკომოტივი

ქუთაისის ტორპედომ რამაზ შენგელიას სახელობის სტადიონზე, თბილისის ლოკომოტივს უმასპინძლა და სტუმრებთან - 1:3 დამარცხდა.

პირველი ტაიმის დამატებულ წუთზე, დავით სამურკასოვის შესანიშნავ პასს თორნიკე კირკიტაძის გოლი მოჰყვა - 0:1. მეორე ტაიმში, ტორპედოს უზბეკმა ლეგიონერმა - მუროდჟონ ტუიჩიბაევმა გაათანაბრა - 1:1.

69-ე წუთზე ფადი ზიდანის მიერ ვერგამოყენებული პენალტის შემდეგ, თეიმურაზ შონიამ დინო ჰამზიჩისგან მარცხენა კუთხეში ძლიერად დაარტყა და ლოკო წინ გაიყვანა - 1:2. ტაბლოზე საბოლოო ანგარიში რამდენიმე წუთში ბექა დარცმელიამ ძლიერი დარტყმით დააფიქსირა - 1:3.