7-გოლიანი თბილისური დერბი დინამოს გამარჯვებით დასრულდა!

• დინამო თბ 4:3 საბურთალო
• შოთა ნონიკაშვილმა და ზორან მარუშიჩმა დუბლი შეასრულეს
• ? მატჩის გალერეა

კრისტალბეთ ეროვნული ლიგის მე-4 ტურის მატჩში, დინამო თბილისმა საბურთალოს უმასპინძლა და გიორგი ნემსაძის გუნდმა, უხვგოლიან დედაქალაქურ დერბიში 3 ქულის მოპოვება შეძლო.

შეხვედრაში ანგარიში დინამოს სერბმა ლეგიონერმა - ზორან მარუშიჩმა თავური დარტყმით გახსნა. პირველ ტაიმში, მარუშიჩმა და საბურთალოს 20 წლის საყრდენმა - შოთა ნონიკაშვილმა, ორივემ დუბლის გატანა შეძლო.

მეორე ნახევარში, ტაბლოზე ანგარიში გიორგი გაბედავას ზუსტად შესრულებული პენალტის შემდეგ შეიცვალა. შეცვლაზე შემოსულმა დინამოს კაპიტანმა - გიორგი პაპავამ კი შორიდან ძლიერი დარტყმით საბურთალოს კარი აიღო და სხვაობა ორამდე გაზარდა - 4:2.

საბოლოო ანგარიში, პაპავს მსგავსად შეცვლაზე შემოსულმა იური ტაბატაძემ დააფიქსირა - 4:3. 4 ტურის შემდეგ დინამოს 7 ქულა აქვს და მესამე პოზიციაზე იმყოფება, საბურთალოელები კი 5 ქულით მეოთხე ადგილს იკავებენ.

• ტორპედო 2:2 თელავი
• ? ფადი ზიდანის მეორე გოლი თელავის კარში

ქუთასისი ტორპედომ რამაზ შენგელიას სახელობის სტადიონზე თელავს უმასპინძლა და მატჩი ფრედ - 2:2 დასრულდა. შეხვედრაში დუბლის გატანა შეძლო ტორპედოს პალესტინელმა ლეგიონერმა - ფადი ზიდანმა. მსაჯის მიერ დამატებული დროის მე-2 წუთზე, ლაშა შერგელაშვილმა გატანილ გოლს საგოლე პასი დაუმატა და მის ჩამოწოდებულ კუთხურს იმედა აშორტიას დარტყმა მოჰყვა - 2:2.

• სამგურალი 1:2 დილა
• ? გატანილი გოლები

სამგურალმა ზესტაფონში გორის დილას უმასპინძლა. იმერლები მატჩს შალვა ბურჯანაძის გოლით იგებდნენ, მაგრამ ვანდერსონ სილვამ 65-ე წუთზე ანგარიში პენალტით გაათანაბრა. 79-ეზე კი დილადან კიდევ ერთმა ლეგიონერმა უსმანე კამარამ გაიტანა, რომელმაც ჩიტეიშვილის ჩაწოდება ზუსტად გამოიყენა.