კალენდარი

ოთხშაბათი, 11 მარტი

ხუთშაბათი, 12 მარტი

კვირა, 15 მარტი

ორშაბათი, 16 მარტი

სამშაბათი, 17 მარტი

ახალი ამბები

ორიდან ორი მოგება! ლოკომოტივი ცხრილს ერთპიროვნულად ლიდერობს

  • ჩიხურა 1:3 ლოკომოტივი

კრისტალბეთ ეროვნულ ლიგაში თბილისის ლოკომოტივი ასპროცენტიანი შედეგიანობით ასპარეზობს. ლევან კორღალიძის გუნდმა მეორე ტურშიც მოიგო და სატურნირო ცხრილში ერთპიროვნულად გალიდერდა. დედაქალაქელებმა მიმდინარე ტურში საჩხერის ჩიხურა ანგარიშით 3-1 დაამარცხეს. მატჩში, პირველი ტურის მსგავსად ლოკომოტივის რიგებში დუბლი ირაკლი სიხარულიძემ მიითვალა, ხოლო ავტოგოლი გოდერძი მაჩაიძემ გაიტანა. ნომინალური მასპინძლების მხრიდან ერთადერთი გატანილი გოლის ავტორი გიორგი კორიფაძე გახდა, რომელმაც თერთმეტმეტრიანი შეასრულა ზუსტად. 

ჩიხურა 1:3 ლოკომოტივი / ეროვნული ლიგა / 07.03.2020

➡️ ირაკლი სიხარულიძის დუბლი და "ჩიხურას" გოლი საკუთარ კარში - ლოკომ მორიგი 3 ქულა მოიპოვა ⚽💪 #Loco #GoLocoGo #FCL #erovnuliliga #winners #სიხა10

Posted by FC Locomotive Tbilisi on შაბათი, 07 მარტი, 2020
  • სამტრედია 1:0 ტორპედო

მეორე ტურის  შეხვედრაში პირველი სამი ქულა მოიპოვა კრისტალბეთ ეროვნული ლიგაში დაწინაურებულმა სამტრედიამ. კახი კაჭარავას გუნდმა საკუთარ მოედანზე ქუთაისის ტორპედო მიიღო და მინიმალური ანგარიშით  1-0 დაამარცხა.  მატჩის მე-13 წუთზე ქუთაისელთა კარის მიმართულებით დანიშნული თერთმეტმეტრიანი დარტყმა ზუსტად ნიჯატ ყურბანოვმა შეასრულა. ტორპედომ საქართველოს საფეხბურთო ჩემპიონატის გათამაშებაში  ზედიზედ მეორე მატჩი წააგო და თან ისე რომ  გოლის გატანა ვერ მოახერხა.

გურბანოვის გოლი

🎥 ნიჯატ გურბანოვის გამარჯვების გოლი "ტორპედოს" კარში

Posted by Samtredia FC on კვირა, 08 მარტი, 2020
  • მერანი 0:0 საბურთალო

კრისტალბეთ ეროვნული ლიგის დებიუტანტმა თბილისის მერანმა გათამაშების კიდევ ერთ ფავორიტს დააკარგვინა ქულები. ბათუმის დინამოსთან დაფიქსირებული ფრის შემდეგ გიორგი დარასელიას გუნდმა მორიგი საყაიმო ანგარიში საბურთალოსთან მატჩში დააფიქსირა. დაპირისპირება გატანილი გოლების გარეშე დასრულდა. ორი ტურის შემდეგ მერანი ორი ქულით  გათამაშების ცხრილის მეხუთე საფეხურზეა, ხოლო საბურთალო კი 4 ქულით მეორე პოზიციას იკავებს.

📸 მერანი თბ 0-0 საბურთალო | ფოტო ამბავი 🔴🦅⚪ #Redeagles

Posted by FC Saburtalo on შაბათი, 07 მარტი, 2020