კალენდარი

შაბათი, 17 აპრილი

შაბათი, 24 აპრილი

კვირა, 25 აპრილი

ოთხშაბათი, 28 აპრილი

ხუთშაბათი, 29 აპრილი

ახალი ამბები

ლევან კუტალიას ეფექტური გოლი და დინამოს ზედიზედ მეექვსე გამარჯვება!

სიონი 0:3 დინამო თბ

კრისტალბეთ ეროვნული ლიგის მე-20 ტურის ბოლო სათამაშო დღე ბოლნისის სიონისა და თბილისის დინამოს დაპირისპირებით გაიხსნა. დედაქალაქელებმა ტრადიციულად უხერხული მეტოქე ამჯერად მარტივად დაამარცხეს და ძალიან მნიშვნელოვანი სამი ქულა მოიპოვეს. დინამომ სიონს 3 უპასუხო გოლი გაუტანა.

ანგარიში შეხვედრის 43-ე წუთზე ლევან შენგელიამ გახსნა, მანვე გაზარდა უპირატესობა ორამდე მატჩის მეორე ნახევარში. საბოლოო შედეგი კი ლევან კუტალიამ დააფიქსირა, რომელმაც ქუსლით აიღო ოთო გოშაძის კარი. აღსანიშნავია, რომ სიონთან დაპირისპირებაში დინამოელებს მრავლად ჰქონდათ რეალური საგოლე მომენტები, თუმცა რეალიზება ვერ მოახდინეს.

დინამოს ახალწვეულის - ნოდარ ქავთარაძის ინტერვიუ

ამ გამარჯვების შემდეგ საქართველოს საფეხბურთო ჩემპიონატის სატურნირო ცხრილში მდგომარეობა უკიდურესად დაიძაბა. ბათუმის დინამოს და საბურთალოს, რომელთაც აქტივში 39 ქულა აქვთ თბილისის დინამო მხოლოდ ერთი ქულით ჩამორჩება.

 20 ტურის შემდეგ თბილისის დინამოს 38 ქულა აქვს და გათამაშების ცხრილში მე-3 ადგილზე იმყოფება, ბოლნისის სიონს კი 22 ქულით მე-8 პოზიციაზეა.

 მნიშვნელოვანი სამი ქულა მოიპოვა ტურის ბოლო შეხვედრაში რუსთავმა, რომელმაც საკუთარ მოედანზე უშუალო კონკურენტი ვიტ ჯორჯია მიიღო. მატჩი სანახაობრივი კუთხით გამორჩეული არ იყო, თუმცა მასპინძლებმა პროგრამა მაქსიმუმი მაინც შეასრულეს და გამარჯვების მომტანი გოლის გატანა შეძლეს. თამაშის 63-ე წუთზე სტუმართა კარი თემურ ჩოგაძემ აიღო.

ამ დროისთვის რუსთაველებს 18 ქულა აქვთ და გათამაშების ცხრილში მე-9 ადგილზე არიან. ვიტ ჯორჯია კი 14 ქულით ბოლო საფეხურზე რჩება.