ჩემპიონთა ლიგის წილისყრა - ქუთაისის ტორპედოს მეტოქე ცნობილია!

• საქართველოს ჩემპიონი ტირასპოლის შერიფს შეხვდება
• პირველ მატჩს ტორპედო ქუთაისში ჩაატარებს

დღეს, შვეიცარიის ქალაქ ნიონში ჩემპიონთა ლიგის პირველი ეტაპის წილისყრა გიმართა, სადაც საქართველოს მოქმედი ჩემპიონის - ქუთაისის ტორპედოს პირველი მეტოქე გამოვლინდა.

ქუთაისელები მოლდოვის მოქმედ ჩემპიონს და ქვეყნის ყველაზე ტიტულოვან კლუბს - ტირასპოლის შერიფს დაუპირისპირდებიან. პირველი საკვალიფიკაციო ეტაპის მატჩები 10-11 და 17-18 ივლისს გაიმართება. კახაბერ ჩხეტიანის გუნდი, პირველ მატჩს სახლში ჩაატარებს.

ტორპედოს სავარაუდო მეტოქეები იყვნენ: აპოელი (კვიპროსი), ყარაბაღი (აზერბაიჯანი), შერიფი (მოლდოვა), ნიუ საინთსი (უელსი), ვიდეოტონი (უნგრეთი).

ხვალ, 20 ივნისს ევროპა ლიგის წილისყრა გაიმართება, სადაც საქრთველოდან 3 კლუბი - დინამო თბილისი, სამტრედია და ჩიხურა იქნებიან წარმოდგენილი.  გაიგე მეტი